Enkuadramentu legál aplikável ba Polísia Sientífika ba Investigasaun Kriminál.
PSIK regula husi Konstituisaun Repúblika Demokrátika Timor-Leste, ninia Lei Orgánika, no lejizlasaun prosesu penál ne'ebé aplikavel. Konjuntu regulamentu sira ne'ebé enkuadra ninia asaun sira kompostu husi instrumentu legál sira tuirmai:
Instituisaun ne'e kria no regula hosi Dekretu-Lei No. 15/2014, loron 14 fulan-Maiu - Lei Orgánika Polísia Sientífika ba Investigasaun Kriminál (LOPSIK)-, ne'ebé define nia misaun, estrutura interna investigasaun kriminál, no rejime pesoál no operasionál.
Dekretu ne'e tuir mai hetan alterasaun hosi Dekretu-Lei No. 21/2014, loron 6 fulan Agostu, ne'ebé introdús ajustamentu ba rejime tranzitóriu kompeténsia sira entre PSIK no Polísia Nasionál Timor-Leste.
Lei No. 9/2022, loron 13 fulan-Jullu - Lei kona-ba Organizasaun Investigasaun Kriminál (LOIC) konsolida kuadru kompeténsia sira hosi órgaun polísia kriminál no define Timor-Leste nia regra sira ba distribuisaun no koordenasaun investigasaun entre PSIK, PNTL, Komisaun Anti Korrupsaun no Servisu Migrasaun.
Asaun PSIK nian iha prosesu penál regula hosi Kódigu Prosesu Penál, ne'ebé aprova iha 2005, ne'ebé estabelese oinsá órgaun polísia kriminál sira bele atua tuir diresaun hosi Prokuradór Públiku no juis hosi prosesu.
Kódigu Penál, aprova hosi Dekretu-Lei tinan 2009, define tipu krime sira-ne'ebé ninia investigasaun sai responsabilidade eskluziva PSIK nian.
Dekretu Ministeriál No. 42/2016, loron 27 fulan Jullu, aprova Kódigu Deontolójiku no Konduta no Rejime Dixiplinár ba pesoál PSIK nian, estabelese padraun étika no konduta ne'ebé vinkula ninia funsionáriu sira hotu.
Lei No. 4/2010, loron 21 fulan-abríl - Lei Seguransa Internaenkuadra forsa no servisu seguransa Timor-Leste nian, hodi define prinsípiu sira kooperasaun inter-institusionál nian iha ne'ebé PSIK integradu.
Dekretu-Lei No. 15/2014, loron 14 fulan-Maiu - Jornál Repúblika.
Regula funsionamentu serbisu pikete no prevensaun PSIK.
Dekretu Ministeriál No. 42/2016, loron 27 fulan Jullu.
