17 de julho de 2026krime sibernétiku
Entrega ne'e lidera husi asesór investigasaun TLPDP nian, detetive Sarjentu Mark Dalton, no ekipamentu sira simu husi Diretór Nasionál PCIC, Vicente Fernandes e Brito.
Meiu teknolójiku foun sira-ne'e iha objetivu atu haforsa kapasidade investigasaun kriminál, ho enfoke espesiál iha prevensaun no kombate ba krime sibernétiku, aleinde otimiza rekolla prova, hodi permite investigadór sira atu analiza dispozitivu eletróniku ho forma ne'ebé lalais no seguru liu, diretamente iha lokál krime nian.
Instituisaun ne'e sublinha mós objetivu atu kontinua moderniza nia rekursu tékniku-sientífiku sira, hodi hasoru evolusaun ameasa dijitál sira iha nivel globál.
PCIC agradese ba TLPDP tanba apoiu kontínuu no konfiansa ne'ebé fó ona, no konsidera doasaun ne'e nu'udar pasu signifikativu ida atu prepara Timor-Leste hasoru dezafiu kriminalidade teknolójika nian no atu haforsa kooperasaun entre instituisaun rua ne'e.